جبرائیل جعفرپور(صبا)جبرائیل جعفرپور از استان دارلارشاد اردبیل شهرستان چشمه‌های بهشتی نیر روستای ییلاقی اوجقاز در سال 2/3/1348 چشم به جهان گشوده و در سال ۸۶ فعالیت خود را در عرصه شعر و ادب به زبان ترکی آذربایجانی آغاز نموده است.
آنا
دنیزدن دوروسان گونشدن آیدین
جمالین نوروندان عالمه یایدین
اولادی گورمگه آنلاری سایدین
محبت پارلاییر اوزوندن آنـــــا
گوزل دیر گوزلرین گول دیر یاناقین
نغمه لر اوخوردو غنچا دوداغین
اولاندا بئشیگیم ایستی قوجاقین
یوخونو پای آلدیم گوزوندن آنا
حله ده سئویرم آنا نغمه سین
آختاریر قولاقیم او لای لای سسین
چیرپینیب سیندیرسا اورک قفسین
دئیه جک عشقینین دوزوندن آنا
یاپیشدین الیمدن تا توتام عیاق
آرخامدا سن اولدون داغکیمین دایاق
یاتمادین گئجه لر سن قالدین اویاق
اولادی چوخ سئون اوزوندن آنا
سن ده کی محبت آرتیخدیر سایدان
کورپیدیم قورودون قورخولو هایدان
اوپه رم گول کیمین اوزوندن آنا
چوخ یولار اورگئدیم سوزوندن آنا
ای(صبا) آنامین قدرینی بیللم
باغبانین یوزونه گول تکین گوللم
قوجالیق ژاله سین گوزوندن سیللم
اورگتدین کچمئگی کورپوسوز چایدان
***
ای گول ائله گول ایسته دییین گولده سئوینسین
آچسین او ساری ساچلاری سونبولده سئوینسین
دسته گول ایله بوینووا سال گوللری هر گون
باغباندا سئوینسین گوزلیم گولده سئوینسین
خوش گولسن آچار یاشماغینی غونچا بوداغدا
گوردوکجه گولو نغمه لی بولبولده سئوینسین
تؤکمه اوزونه تئللرینی سئیره چیخاندا
آی پارچاسینی گوستر ائله ائلده سئوینسین
شهلا گوزیوین شهرتی کی شهره دی تکدیر
گوستر گوزونو جیرانا تا چولده سئوینسین
تئللردن آییر بیر تئلی باغریندا ساز ائیله
شوقیله سازین چال کی جیغا تئلده سئوینسین
حکمتلی اولان سوزلریوین عاشقی یم من
بال لبلرین آچ سوزلری ده دیلده سئوینسین
چاتدی کوچونو گئتدی خزان سویله (صبا)یه
ائللر آرا یای خوش خبری ائلده سئوینسین
***
دانیش
عیرفانی محفیلده ایله سوز دانیش
سوزلرین قیزیل تک قیمتی اولسون
عالیمدن دونیادا کسب علم ایله
حیات دا سوزوون حکمتی اولسون
بزه‌نیب آلنینا دوزسه ده تئلی
هر اوزو گویچکه باغلاما بئلی
گئی دمیرچاریغین گئد آختار ائلی
ایله سین سئو گیلن عصمتی اولسون
بیر یولو باشلا کی چیخاندا باشا
اینسانلیق گوزگوسو دیمه سین داشا
ائل اوبا ایچینده گل ایله یاشا
آرخانجا کیشیلیک صحبتی اولسون
اینسانین خیصلتین دیشیر فلک
دوستلاری سیناغا چک ایله الک
آییق اول کیمسه ایلن یئسن دوز چؤرک
یئدیییز چؤره‌یین حورمتلی اولسون
آدام وار علم ایله دولدورور باشی
یونتویوب آداما اوخشادیر داشی
کیم ایستر (صبا)تک قالمییا ناشی
چوخ گرک چالیشیب همتی اولسون
***
لعلین یئرینه صراف آلا داش نه یه لازیم
مفرغ اولا انگشتر اگر قاش نه یه لازیم
عقلیله هر اینسان یئتیشر مقصده ای دیل
هر بوش کره لیک تک بوش اولان باش نه یه لازیم
زر میثلیدی اینسان سوزونو بیلسه دانیشسا
بیر دیل کی سوزو سویله دی چاش باش نه یه لازیم
خوش دیر کی جوانلیقدا چاتا هر یئره اینسان
سون لحظه لرینده دئسه ای کاش نه یه لازیم
مردین قاباغین کسسه اگر دوشمن نامرد
قارداشی کومک چیخماسا، قارداش نه یه لازیم
بیر کونلو کی تانری یارادیب عشقینه خاطر
غم غصه گلیب قورماسا باغداش نه یه لازیم
ایستکلی اولان کیمسه دالیجاق سو سپللر
آردینجا یارین سپ مسه گوز یاش نه یه لازیم
اسرارینی هر یولداشا فاش ائیلمه کونلوم
بیر یولداش اگر اولماسا سیر داش نه یه لازیم
شاعر اودور اشعاری همیشه دیری قالسین
جانسیز سوزو گر قالسا آ قارداش نه یه لازیم
خوش گونده(صبا) کیم سنه جان سویلسه یوز یول
پیس گونده اگر اولماسا یولداش نه یه لازیم